تجمل من كدة

أجمل من كده
=========

يا ريتني أجمل من كده
أطيب وأقوي من كده
وياريتني حاسس بالرضا
وأنا كنت أقولك
آه بحبك
من زمان أوي كده
يا ريتني
فارس ع الحصان
وف إيد فرح
وف إيد أمان
ولا أتقبلنا من زمان
في زمن جميل عن كده
يا ريتني
أجمل من كده

..

م الآخر
======

بص .. حا أقولك
م الأخر
أنا عندي عربيه
مركبتهاش
ومعايا فلوس
مكسبتهاش
وجوزوني بنت حلوة
محبتهاش
وإشتريت بدلة جديدة
ملبستهاش
كسرت الحمام وغيرتة
محستش بأي إنتعاش
خدت بعضي علي جنب
وكان يوم حر .. رطوبة
وقولت لروحي
إيه ياعم
إنت طوبة
قاللي لأ
يا صحبي دي حسبة
ومحسوبة
أنا أصلي زمان
لمست قلبي
غنوة حب جميلة ... جميلة
لكن يا خسارة
محضنتهاش