قصيده يا رب تعجبكم
(الحب الصامت)
بيني وبينك فرده كعب
خطوه واحده لكن صعب
صعب اخطي لوحدي وانتي واقفه ساكته
وفي عنيكي الف نظره تايه ثابته
انا صامت وانتي صامته
مغرمين بالصمت ليه؟
طاب سكوتنا ليه وامتي؟ واحد فينا يبتدي
هبتدي
من زمان وانا نفسي ابدأ صدقيني
بس خايف
كنت خايف تحرجيني
ودلوقتي جاهز للمحاوله
بس قبله وع الاقل كلمه حلوه نظره واحده مشجعه
شجعيني
خرجيني من سكوتي
ربما كلمه بحبك لما تخرج من تابوتي فوق نعش صوتي
جايز دا يحرك سكوتك تنطقيها
كلمه واحده نفسي فيها
هتقوليها؟
ما تقوليها وخلصيني انطقيه وريحيني
لسه برضه زي ما انتي وانا وانتي والسكوت
خايف جدا من المحاوله وانتي برضه موت
صدقيني........ حبنا الصامت دا هو اسمي حب بالوجود
مع تحياتي:معاذ