طيق الشكشوكة أوعى وشك

بسم الله الرحمن الرحيم
كالعادة نقدم لكم اليوم طبق من الأطباق الشهية وبمعنى أصح أكل لخبطة بس يفتح النفس طبعا هوة الطبق دة ممكن يكون لية اسامى كتير بس هوة معروف بالشكشوكة
المهم موش هنرغى كتير لأن كتر الكلام موش بيجيب فايدة
المقادير/
1/عدد 3 بيدة.
2/نص كيلوا طماطم مقطعة فتافيت صغيرة.
3/ربع كيلوا طماطم مقطع صوابع.
4/بصلة متوسطة الحجم ومخرطةحتت صغيرةوأكيد طبعا هتعيط وانتا بتخرطها.
5/ عدد 3 قرن فلفل او على حسب الرغبة مقطعين حتت صغيرة بردوا.
6/ زجاجة زيت طبعا موش هتحطها كلها هتحط حبة صغيرين.
7/ودة اهم حاجة التوابل وهيا مكونة من:ملح-كمون-شطة - فلفل اسود.
8/ عيش على حسب الرغبة.
أدوات الطبخ/
1/ شوكةللتقليب.
2/ طاسة اللى هيتعمل فيها اللبخ دة.
3/طبق للتقديم.
4/ ودةأهم حاجة البوتجاز محدش ينساه ولو عندك باجور موش مشكلة ينفع بردوا.
طريقة العمل/
1/هتجيبي الطاسة وتحطيها على نار متوسطة.
2/ هتفرغى البصل فيها وتسوية كويس بس متحرقيهوش سوي البصل بس افهميها انتى بقى.
3/بعد ما تسوي البصل هتحطي الطماطمالصغير علية
ويراعى التقيب جيدا
ومن ثم تحطي التوابل على البصل والطماطم وتستني شوية.
4/ تحطي الفل المقطع عليهم.
5/ هتحطي البيد عليهم وتقلب جيدا.
6/ نهدي النار وتغطي الطاسة مع مراعاة التقليب من حن لحين الا حين يستوى البيد ويكون مافيش مية .
7/ تفرغين محتويات الطاسة فى طبق التقديم.
8/ هتجيبي الطماطم المقطعة صوابع وترسمي وردة بيها فى نص الطبق .
9/ هتحطي الطبق على طرابيزة الصفرة.
طريقة الأكل/
هتجيبي العيش وتاكلى بألف هنا انتى واللى معاكى مع مراعة الاكل على نور شمعة لكي تولد جو رومانسي .
ويارب يكون عجبتكم الشكشوكة.

لا طريقة جامدة
وبجد انت ومعاذ طلعتوا هايلين
ايه الشطارة دى
فى انتظار جديدك
الى هو ايه شويه حلويات على زوئك
"تورته" "كروسان" "و سيمون فيميه . بس ده مش حلويات"
يلا كفايه عليك كدا بودى حروح اقول الباقى لـ مـعـاذ
يسلمووووووووووووو بودى