قلبى على ولدى إنفطر وقلب ولدى علىَّ حجر

مابتتعلمش
غير إنك تجرح قلبى بعنف
ظالم قلبك ظلم القادر اللى مايرحمش
إعند .. كابر .... حاافضل أمك
مايغركش إنك تكبر ... وماتنساش إنى مابصغرش
زيد ف القسوة وغوص فى الجرح
حتفضل ناكر .... وأنا مش حااقسى
وحااعرف إنى أسامح وأنسى
عارف ليه ........؟؟؟؟؟؟؟؟
على غضبى عليك إنت ماتقدرش

إسمع منى وفكر مرة
بكرة أنا حاابقى مجرد ذكرى
وعلىَّ تدور ... تتمنى النظرة
تروح السكرة وتيجى الفكرة
وتفضل واجع قلبى عليك وأنا فى الآخرة
بس برحمة ربى الواسعة .. أنا فيه واثقة
إنه حيقبل منى الدعوة
تراجع حالك
لما تبقى أب ف لحظة
أجى على بالك تدمع عينك وتدعيلى
بالغفران والرحمة

» ارحل يا قلبى!!!!!!!
» جرح قلبى
» انا جيت نورت البيت
» اريد قلبى
» انساه يا قلبى