في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.
واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي
قاله بسنعة .. قال له و كمان بتتشرط؟ طب شوف مين حيطنعكّ
واحد راح للدكتور قالوه انا عندي صداع قالوا الدكتور انتا بتنام والشباك مقفول ولا مفتوح قالو مقفول ، قالو الدكتور افتحوا.. تاني يوم جالو الراجل.. فقالو الدكتور ها راح الصداع ؟ قالوا : الصداع راح... والبوتجاز راح... والتلفزيوون راح.... و....و.
مرة واحدة ست قالت لإبنها : خد الفلوس دى وروح هاتلى دواء يصغرنى عشرين سنة فذهب الولد ورجع ومعاه الدواء، وراح المدرسة رجع الولد لقى والدته صغيرة عشرين سنة، قال لها: إنت صغرتى اوى يا ماما، بس إيه العيل اللى فى إيدك ده قالت له: إسكت يا واد مش أبوك شرب العلبة كلها.
سألوا واحد بخيل .. تعمل ايه لو الدنيا برد.. قال: أروح للدفاية.. قالوا: ولو الدنيا بردت أكتر..
قال: أقرب من الدفاية .. قالوا: ولو بردت أكتر.. قال: ألزق في الدفاية.. قالوا: طب ولو نزل تلج.. قال: أشغل الدفاية بقى وأمري لله.
مرة واحد غبي عنده ارق ومش عارف ينام.. قال له صاحبه عندي لك طريقة للنوم مؤكدة .. عد من واحد الى خمسمية.. أخونا مكدبش خبر.. وأول جه الليل راح للسرير وبدأ يعد .. واحد .. اثنين.. ولما وصل الى ميه وتسعة وتسعين.. كبس عليه النوم.. قام جري غسل وشه ورجع للسرير يكمل العد.
مرة واحد مسطول مروح البيت، وبقاله ساعة مش عارف يفتح الباب مراته من البلكونة بتقوله ارميلك المفتاح، قالها لا المفتاح معاية ارميلى خرم الباب